**** لما أحس أنك ملكي ****
دايب انا في عيونك
والشوق لك برهاني
عاشق عيون المها
تبقى لقلبي عنواني
علي شط بحرك الصافي
اشرب وارجع أقول تاني
قالت شايفه كتير حواليك
شاغلين قلبك اخدوك مني
مرة سمرة ومرة شقرة
وأنت تزيد فيها وتجنني
لما أحس إني وحيدتك
وألقى عيونك بتحضني
وقتها بس ... يمكن افكر
واخلي هواك يدخل يسكني
معقول ! يا حب العمر
تايهة عني مش عارفاني
دا انت حبيبتي وسر وجودي
وسحر عيونك هد كياني
شايفك نجم قريب وحبيب
تدوري حواليا ومحوطاني
ليلك كله شعاع من نور
يروي ورودي وبستاني
ردت بكل غرام ودلال
أفكر يمكن تبقي حلال
وألاقي معاك أحلام بكرة
ودنيا جميلة ولا في الخيال
الفرحة اترسمت فوق الشفايف
تطمن قلبي اللي ديما خايف
تقوله خلاص أنسي الحرمان
هتخبي ليه ما الكل عارف
هاتي ايديك ويا ايديا
نبني لبكرة وأيام جايا
ويبقي الحب طريق ممدود
وأجمل قصة ليك وليا
أيوه يا ضي العين والنني
خدني في حضنك يلا انصفني
وخلي هوانا يعيش في النور
علشان كل الناس ظالميني
كنت بشوفك شط أمان
بحر وهايج فيضه حنان
وقلت ازاى يبقى لى جنان
ونعيم دايم من الرحمن
**********************************
بقلم / مصطفى كرم
حروف تعانق تشكيلها أرأكِ تغوصين ليلاً نهاراً ببحرِ القصيدةِ والاتساق حروفٌ تعانقُ تشكيلَها وأنتِ تنادين بالافتراق جناسٌ وسجعٌ بها تنقشين قصيداً يعاني مدى الاشتياق كذاك مقابلةٌ واستعارهْ ومانلتُ منكٍ سوى الانشقاق بيت قصيدِكِ كان غراماً وأما الحقيقةُ لا للعناق فأنتِ تقولين قولاً حسيناً وتهوين صدقاً بغير نفاق أيا زهرة الحب يا سلوة كفاك عتابا يثيرالشقاق وقرباً لقلبٍ بدا ينتشي وبعداً لقلب هوى الإحتراق بقلمي محمد أحمد مهدي
تعليقات
إرسال تعليق